Բաղադրիչներ
հավի բուդ — 6 հատ
սունկ շամպինիոն — 300 գ
նեխուր — 2-3 հատ
սխտոր — 2-3 պճեղ
աղ — ըստ ճաշակի
պղպեղ սև — ըստ ճաշակի
բուսայուղ — տապակելու համար
Պատրաստման եղանակը
Յուրաքանչյուր բդի փափկամիսը 4-6 կտոր ենք անում, վրան աղ ու պղպեղ ցանում և բուսայուղի մեջ մոտ 6 րոպե տապակում մինչև ոսկեգույն դառնալը: Դնում ենք ափսեի մեջ:
Սնկերը կտրատում ենք բարակ շերտերով, նեխուրը՝ շեղ երկար կտորներով: Լցնում ենք նույն թավայի մեջ ու տապակում մոտ 5 րոպե` մինչև փափկելը:
Ավելացնում ենք հավն ու սխտորը, ըստ ճաշակի աղ ու պղպեղ ցանում: Մի քանի րոպե տաքացնում ենք:
Այժմ արդեն կարելի է ուտել:
Վերջում ավելացնենք, որ եթե թարմ սունկ չունեք, կարող եք պահածոյացված սնկով պատրաստել:
