Ահա, թե ինչ կկատարվի Ձեր օրգանիզմում, երբ թողնեք ծխելը

0
309

Մասնագետները բազմիցս ցույց են տվել, որ ծխելը վատ ազդեցություն է թողնում մարդու օրգանիզմի վրա։ Սակայն դա բավական չէ, որպեսզի մարդիկ հրաժարվեն այդ վնասակար սովորությունից, քանի որ դա նրանց համար հոգեբանական լուրջ խոչընդոտ է, որը հաղթահարելու համար չկա բավականաչափ մոտիվացիա։

BlogNews-ը հավատում է առողջ ապրելակերպին, այդ իսկ պատճառով որոշել է կիսվել ծխելը թողնելու հետ կապված մի շարք փաստերով, որոնք հնարավոր է՝ մոտիվացնեն ձեզ, և դուք նույնպես հրաժարվեք այդ վնասակար սովորությունից։ Իսկ այդ փոփոխությունները տեղի են ունենում շատ ավելի շուտ, քան դուք պատկերացնում եք։

20 րոպե անց

Սրտի աշխատանքը վերադառնում է նորմային։ Արյունատար համակարգը վերականգնվում է, բարելավվում է արյան շրջանառությունը։ Մատները դառնում են էլ ավելի զգայուն։

12 ժամ անց

Նվազում է ածխածնի մոնօքսիդի պարունակությունը արյան մեջ, ավելանում է թթվածնի պարունակությունը։ Արյան կազմը վերադառնում է նորմային։

2-3 շաբաթ անց

Նվազում է սրտի կաթվածի հավանականությունը։ Անհետանում են կախվածության նշանները։ Էլ ավելի է բարելավվում արյան շրջանառությունը։ Վերականգնվում են թոքերը, և բարելավվում է դրանց աշխատանքը։

1-9 ամիս անց

Թոքերն ամբողջովին մաքրվում են, անհետանում է հազը։ 1 տարի նիկոտինի կարիքն այլևս երբեք չի զգացվում։ Վերականգնվում է մաշկի առողջ գույնը և 50%-ով նվազում է սրտանոթային հիվանդությունների հավանականությունը։

5 տարի անց

Արյան շրջանառությունն ամբողջովին վերականգնվում է։ Կաթվածի հավանականությունը հավասարվում է չծխող մարդու մոտ հավանականությանը։ Նյարդային և իմունային համակարգերը մի քանի անգամ ավելի լավ են գործում։

10 տարի անց

2 անգամ նվազում է թոքերի քաղցկեղի հավանականությունը։ Նվազում են նաև լեզվի, կոկորդի, երիկամների քաղցկեղի զարգացման հավանականությունները։

15 տարի անց

Սրտային հիվանդությունների և քաղցկեղի զարգացման հավանականությունները հավասարվում են դրանց՝  չծխող մարդու մոտ զարգացման հավանականությանը։

Աղբյուր՝ Blognews.am

ОСТАВЬТЕ ОТВЕТ

Please enter your comment!
Please enter your name here